332

REGISTRES DU BUREAU

[i554]

DCXXXIII. — [Pour l'estat des deniers commungs de la Ville.]

i 4 septembre 1554. (Fol. 102 r°.)

Dud. jour.

Au jour d'huy, au Bureau de la Ville de Paris, mons^r de Livres, Prevost des Marchans, a remonstré à m° Anthoine Prart, Procureur du Roy et de lad. Ville, qu'il a entendu que les habitants deChably'¹' avoient obtenu quelques despens contre la Ville, et qu'il doubtoit qu'il y eust eu de sa negligence; aussi qu'il y avoit des despens obtenuz contre feu Adam Paulmart, qui estoient demeurez dès longtemps à taxer, qui eussent peu compenser lesd, despens de Chably.

Et sur ce, a faict responce led. Prart que led. jour les Lettres du Roy, dont la coppie [a esté] collationnée à l'original, cy après escriptes, ont esté monstrées et communiquées à m" Philippes Macé, Receveur de lad. Ville; et luy a esté ordonné dresser ung estat selon et en suyvant le mandement dud. S-^r contenu esd. Lettres dont la teneur ensuit.

Lettres du Roy.

15 septembre. De par le Roy.

Chers et bien aînez,

«Nous vous mandons, commandons et trés expressement enjoignons quc vous ne faillez, incontinant la presente receue et sur tant que craignez à nous desobeyr et desplaire, adresser ung estat au vray et entier de ce que montent en recepte tous les deniers

commungs de vostre Ville tant patrimonyaulx que d'octroy, sans faire aucune déduction des charges estans sur iceulx; desquelles charges neantmoings vous nous pourrez advertir séparément et appart par led. estat, lequel signé de vous et de vostre Greffier vous envoyrez et ferez en toute dilligence tenir à nostre amé et feal conseiller, tresorier de France et general de noz Finances estably à Paris, sans y user d'aucune longueur ou difficulté : car lel est noslre plaisir.

"Donné à Villers Costeretz, le xv^e jour de Septembre mil v^c liiii."

Signé : HENRY. Et au dessoubz : Burgensis.

Et au doz est escript :

A noz chers et bien aînez les Prevost des Marchans et Eschevins de noslre bonne Ville el Cité de Paris.

Incontinant mesd. S^rs ont envoyé querir le Receveur de lad. Ville, auquel ilz ont monstré et communiqué lad. Leltre, et d'icelle baillé coppie; suyvant lesquelles luy ont ordonné dresser ung estat entier de la valleur desd, deniers et ung estat à part des charges, en la plus grande dilligence qu'il seroit possible; et ont advisé qu'il falloit faire Assemblée de Mess" les Conseillers pour oyr la lecture desd. Lettres et aultres affaires de lad.Ville.

DCXXXIV. — M^e Pierre Pellerin.

18 septembre 1554. (Fol. 102 r°.)

Ced. jour, m^e Pierre Pellerin, Eschevin de lad. Ville, a remonstré à Mess™ les Prevost des Marchans et Eschevins d'icelle que le temps approchoit qu'il doibt opter et choisir de sond, estat de Eschevin ou de son estat de Quartenier'²'; et que, à ceste cause, les supplioit qu'ilz voulsissent admettre la resignation qu'il offroit faire à son fils dud. estat de Quartenier, lequel l'entendoit et l'avoit dès longtemps faict soubz luy : et que, en ce faisant, il opterait

Luy a esté dict qu'il se retirast et que l'on y adviserait.

La matiere mise en deliberation, a esté ordonné que ceste matiere sera remise à l'Assemblée du Conseil, qui se fera demain, de Mess" les Conseillers de la Ville : ce que nous luy avons depuis declairé; lequel a protesté que le temps que l'on mettoit à à faire lad. conclusion ne luy puisse nuyre ne prejudicier.

led. estat de Eschevin^

C Chablis en Champagne, dépendait de l'intendance et du Parlement de Paris, et de l'élection de Tonnerre; c'est aujourd'hui un chef-lieu de canton de l'arrondissement d'Auxerre (Yonne).

(2) Le détail de cette affaire est rapporté à l'article ci-dessus DCXXII, page 328.